Қаржылық сауаттылық негіздері – мотивациялық кездесу, Айгерім Ильясова

Қыздар көшбасшылығы мен  кәсіпкерлік орталығы 1-курс студенттеріне арналған мотивациялық дәрістер циклін жалғастырды. Дәріс Педагогика және психология институтында өтті.

Келесі спикер – қаржыгер, экономика ғылымдарының кандидаты, MSc Finance (Ұлыбритания), қаржы директоры Айгерім Ильясова. Оның қаржы саласындағы тәжірибесі 15 жылдан асады.

Дәрістің мақсаты:

  • ТДМ 4 – Сапалы білім: қаржылық сауаттылықты арттыру арқылы студенттердің білім көкжиегін кеңейту.
  • ТДМ 8 – Лайықты жұмыс және экономикалық өсу: кәсіпкерлікке ынталандыру және табысты мансап құруға бағыт беру.

Қаржыны дұрыс басқару – табысты өмірдің кепілі. Бұл дәріс студенттерге өз қаржысын сауатты басқаруға және болашағын сенімді жоспарлауға көмектеседі.

Қаржылық сауаттылық негіздері – мотивациялық кездесу, Нұргүл Бексұлтанқызы

Тұлға қалыптастыру департаменті, Қыздар көшбасшылығы және кәсіпкерлік орталығы Физика, математика және цифрлық технологиялар институтында қаржылық сауаттылықты арттыруға арналған мотивациялық дәріс ұйымдастырды.

Қаржылық сауаттылықты арттыру – қазіргі жастардың кәсіби, тұлғалық және әлеуметтік дамуының маңызды құрамдас бөлігі.

Дәріс барысында студенттер жеке бюджет жүргізу, жинақ қалыптастыру, табыстар мен шығындарды жоспарлау сияқты пайдалы дағдыларды меңгеруге мүмкіндік алды.

Дәрістің негізгі мақсаты – қаржылық мәдениетті қалыптастыру, жастардың еңбек нарығындағы бәсекеге қабілеттілігін арттыру және әлеуметтік жауапкершілігін нығайту.

Аталған мотивациялық дәріс тек теориялық білім көзі ғана емес, сонымен қатар қаржылық дербестікке бастайтын нақты қадам болды. Іс-шара соңында студенттер өздерін қызықтырған сұрақтарын қойып, орталық тарапынан дайындалған арнайы сыйлықтарға ие болды.