Мемлекеттік қызметке қабылдау қағидалары түсіндірілді

15 қазан күні Қазақ ұлттық қыздар педагогикалық университетінде Мемлекеттік қызмет істері агенттігінің Алматы облысы бойынша департаментінің басшысы Нұрсұлтан Ақылбекұлы Сейдалиев белсенді студенттермен және студенттік өзін-өзі басқару ұйымдарының өкілдерімен кездесу өткізді.

Кездесудің негізгі мақсаты – жастар арасында мемлекеттік қызметке кіру тәртібін және мүмкіндіктерін кеңінен таныстыру болды.

Іс-шара барысында Нұрсұлтан Ақылбекұлы студенттерге мемлекеттік қызметке қабылдау үдерісі, бос лауазымдарға қатысу жолдары және www.gov.kz пен www.eqyzmet.gov.kz порталдарын пайдалану тәртібі туралы кеңінен түсіндірді. Сондай-ақ GPA көрсеткіші 3.33-тен төмен емес түлектер мемлекеттік тапсырыс шеңберінде оқуын аяқтаған жағдайда конкурссыз түрде «Б» корпусының әкімшілік лауазымдарына орналасуға құқылы екені айтылды.

Қатысушыларға мемлекеттік қызметтегі жалақы мөлшері, әлеуметтік жеңілдіктер мен мансаптық өсу мүмкіндіктері туралы да ақпарат берілді.

Сонымен қатар, Алматы облысында қазіргі таңда 190-нан астам бос мемлекеттік әкімшілік лауазым бар екені, олардың едәуір бөлігіне жас түлектердің қатыса алатыны жөнінде дерек келтірілді.

Кездесу «Адал Азамат» жол картасы аясында ұйымдастырылып, жастар арасында патриоттық құндылықтарды дәріптеу, сыбайлас жемқорлықтың алдын алу және мемлекеттік қызметтің беделін арттыру мақсатында өтті.

Шара соңында студенттер өз сұрақтарын қойып, мемлекеттік қызмет жүйесіне қатысты нақты кеңестер мен ұсыныстар алды.

«Жасанды интеллект – білім берудің жаңа дәуірі» атты мастер-класс өтеді

Қазақ ұлттық қыздар педагогикалық университетінің Тұлға қалыптастыру департаменті, Қыздар көшбасшылығы және кәсіпкерлік орталығы білім алушылар мен оқытушыларға арналған «Жасанды интеллект – білім берудің жаңа дәуірі» атты мастер-класс ұйымдастырады.

Іс-шараның мақсаты – жасанды интеллект технологияларын білім беру жүйесіне енгізудің өзектілігін талқылау, олардың оқыту үдерісін жетілдірудегі, білім сапасын арттырудағы және студенттердің жеке қабілеттерін дамытудағы рөлін айқындау.

Мастер-класс спикері – Жансая Нұркелдіқызы Куракова, физика пәнінің мұғалімі, жасанды интеллект саласының сарапшысы. Ол өз тәжірибесімен бөлісіп, ЖИ құралдарын білім беру тәжірибесінде тиімді пайдаланудың нақты тәсілдерімен таныстырады.

Аталған шара БҰҰ-ның Тұрақты даму мақсаттарымен үндесіп, IV – «Сапалы білім», VIII – «Лайықты жұмыс пен экономикалық өсу» және XVII – «Тұрақты даму үшін серіктестік» бағыттары аясында ұйымдастырылып отыр.

Өтетін күні: 23 қазан 2025 жыл
 Уақыты: 15:00–17:00
Өтетін орны: №1 оқу ғимараты, Акт залы

Барлық қызығушылық танытқан студенттер мен оқытушыларды белсенді қатысуға шақырамыз!

«Стресті жеңу жолдары» тренингі өтті

2025 жылғы 13 қазанда Қазақ ұлттық қыздар педагогикалық университетінде Менталды денсаулықты дамыту орталығының психологтары Ақбота Нұрланқызы мен Назерке Есенаманқызы 2–3 курс студенттеріне арналған «Стресті жеңу жолдары» тақырыбында психологиялық тренинг өткізді.

Тренингтің негізгі мақсаты – аралық бақылау кезеңіндегі стрестен арылу, ішкі күйзелісті басқару және эмоционалды тұрақтылықты қалыптастыру. Шара барысында қатысушылар тыныс алу жаттығуларын орындап, релаксация әдістерін меңгерді. Сондай-ақ өзін-өзі реттеу мен позитивті ойлауды дамытуға бағытталған тәжірибелік тапсырмаларды орындады.

Психологтар оқу үдерісінде кездесетін қобалжу мен күйзелістің себептерін талдап, стрестің алдын алу мен психологиялық саулықты сақтау жөнінде кеңестер берді. Студенттер белсенділік танытып, өз ойларымен және өмірлік тәжірибелерімен бөлісті.

Бұл бастама БҰҰ-ның Тұрақты даму мақсаттарының бірі – ТДМ 3: «Денсаулық және амандық» бағыты аясында жүзеге асырылып отыр. Менталды денсаулықты дамыту орталығы алдағы уақытта да студенттердің психологиялық тұрақтылығын арттыруға бағытталған түрлі форматтағы тренингтер мен кездесулер өткізуді жалғастырмақ.

Психоанализ арқылы тұлғалық дамуға қадам

Құрметті студенттер!

Тұлға қалыптастыру департаменті, Қыздар көшбасшылығы және кәсіпкерлік орталығы 1-курс студенттерін мотивациялық кездесуге шақырады.

Кездесудің құрметті қонағы – Анна Кудиярова, PhD, Орталық Азия психоанализ институтының директоры, кәсіби психоаналитик. Ол студенттермен психоанализдің негіздері, өзін-өзі тану, ішкі ресурстарды басқару және эмоционалды интеллектіні дамыту секілді маңызды тақырыптар төңірегінде тәжірибесімен бөліседі.

Дәрістің мақсаты:
Тұрақты даму мақсатының (ТДМ) 3-бағыты — «Салауатты өмір салты мен психологиялық әл-ауқатты қамтамасыз ету» ұстанымына сәйкес, бұл дәріс студенттердің психологиялық мәдениетін арттыруды, өзін-өзі тану мен эмоционалды тепе-теңдікті сақтаудың маңызын түсіндіруді көздейді.

Өтетін күні: 15 қазан 2025 жыл
Өтетін орны: 215 конференц-зал
Уақыты: 15:00–16:00

Өзіңді тануға бағытталған бұл дәрісті жіберіп алма!

Студенттер жалпы қалалық сенбілікке қатысты

2025 жылдың 11 қазанында Қазақ ұлттық қыздар педагогикалық университетінің белсенді студенттері Наурызбай ауданы аумағында өткен жалпы қалалық сенбілікке қатысты.

Ауқымды экологиялық шараның мақсаты – қалалық аумақтың санитарлық тазалығын қамтамасыз ету, айналаны көркейту, сондай-ақ жастардың экологиялық мәдениетін қалыптастырып, қоғам өміріне белсенді араласуға ынталандыру болды.

Сенбілікке университеттің барлық факультеттерінен ерікті студенттер қатысып, көшелерді тазалап, ағаштардың айналасын қоқыстан арылтты. Сонымен қатар, қоғамдық орындар мен жаяу жүргіншілер жолдары ретке келтірілді.

Мұндай шаралар жастардың табиғатқа деген жауапкершілігін арттырып қана қоймай, олардың азаматтық және экологиялық белсенділігін нығайтады. Қыздар университеті ұжымы бұл бағыттағы игі бастамаларды үнемі қолдап, студенттерге патриоттық және экологиялық тәрбие беруге ерекше көңіл бөледі.

YouTube арқылы қаржылық тәуелсіздікке жету жолдары

Құрметті білім алушылар!

Қазақ ұлттық қыздар педагогикалық университетінде жастардың цифрлық сауаттылығын арттыру және жаңа медиа саласында табысқа жету мүмкіндіктерін көрсету мақсатында «YouTube арқылы қаржылық тәуелсіздікке жету жолдары» атты шеберлік сабағы өтеді. Шараны Тұлға қалыптастыру департаменті, Қыздар көшбасшылығы мен кәсіпкерлік орталығы ұйымдастырады.

Спикер: Ерсин Сұлтан – кәсіпкер, контент-маркетинг саласының сарапшысы, YouTube арқылы табысқа жеткен жас маман.

Шара барысында қатысушылар YouTube және басқа цифрлық платформалар арқылы табыс табудың, жеке бренд қалыптастыру мен қаржылық еркіндікке жетудің тиімді тәсілдерін меңгереді.

Іс-шара БҰҰ-ның Тұрақты даму мақсаттарының IV – «Сапалы білім», VIII – «Лайықты жұмыс пен экономикалық өсу», XVII – «Тұрақты даму үшін серіктестік» бағыттарымен үндеседі.

Өтетін күні: 14 қазан 2025 жыл
Уақыты: 15:00–17:00
Өтетін орны: №1 оқу ғимараты, Акт залы

Баршаңызды пайдалы әрі шабыт беретін кездесуге шақырамыз!

Сенім мен түсіністікке бастар жол: психолог студенттерге тренинг өткізді

2025 жылғы 10 қазан күні Қазақ ұлттық қыздар педагогикалық университетінің №7 студенттер үйінде «Сенім мен түсіністікке бастар жол» тақырыбында тренинг өтті. Іс-шараны Менталды денсаулықты дамыту орталығының психологы Назерке Есенаманқызы жүргізді.

Тренингтің негізгі мақсаты – студенттердің қарым-қатынас мәдениетін дамыту, өзара түсіністік пен қолдау қабілетін арттыру, сондай-ақ эмоционалды тұрақтылық пен ішкі үйлесімділікті қалыптастыру болды.

Шара барысында қатысушылар сенімге негізделген қарым-қатынастың мәнін түсініп, түрлі психологиялық ойындар мен тәжірибелік жаттығулар орындады. Психолог тиімді коммуникация орнату, эмоцияларды басқару және тыңдай білу сияқты маңызды дағдыларды жетілдіруге бағытталған кеңестермен бөлісті.

Жылы әрі ашық атмосферада өткен тренинг студенттерге өз сезімдерін еркін жеткізіп, бір-бірін түсінудің жаңа қырларын тануға мүмкіндік берді. Қатысушылар өзара сенім мен менталды тепе-теңдіктің өмір сапасын жақсартудағы маңызды рөлін атап өтті.

Аталған іс-шара БҰҰ-ның Тұрақты даму мақсаттарының бірі – ТДМ 3 «Денсаулық және амандық» бағыты аясында жүзеге асырылды.

QyzPU қызметкерлері Digital Bridge 2025 халықаралық форумына қатысуда

2025 жылғы 2–4 қазан аралығында Астанада Digital Bridge 2025 халықаралық форумы өтуде. Форумды Astana Hub Халықаралық инновациялық кластері Қазақстан Республикасының Цифрлық даму, инновациялар және аэроғарыш өнеркәсібі министрлігімен бірлесіп ұйымдастырып отыр.

Digital Bridge – цифрлық трансформация, жасанды интеллекттің дамуы және технологиялар саласындағы өңірлік ынтымақтастықты талқылау үшін әлемдік көшбасшыларды, технологиялық инноваторларды және инвесторларды біріктіретін ірі жыл сайынғы алаң. Форумның негізгі мақсаты – Қазақстанды Еуропа мен Азияны байланыстыратын технологиялық хаб ретінде таныту.

Балалардың түрлі әрекетін ойын арқылы ұйымдастыру: әдістемелік семинар өтті

2025 жылғы 8 қазанда Педагогика және психология институты, Мектепке дейінгі білім беру кафедрасының ұйымдастыруымен «Балалардың түрлі әрекетін ойын арқылы ұйымдастыру» тақырыбында әдістемелік семинар өтті.

Іс-шараның мақсаты – мектепке дейінгі жастағы балалардың танымдық, шығармашылық және әлеуметтік дағдыларын дамытуда ойынның маңызын арттыру, педагогтар мен болашақ мамандарға ойын арқылы оқу-тәрбие процесін тиімді ұйымдастырудың заманауи әдістерін үйрету.

Семинардың құрметті қонағы – ҚР Оқу-ағарту министрлігі «Балаларды ерте дамыту институты» мемлекеттік мекемесінің Ақпараттандыру және қоғаммен байланыс департаментінің аға сарапшысы Үміт Томпай болды.

Үміт Томпай өз сөзінде ойынның баланың тұлғалық дамуына әсері, ойын арқылы ойлау мен сөйлеу қабілетін жетілдіру жолдары жөнінде баяндама жасап, қатысушылармен тәжірибелік жұмыстар жүргізді. Сондай-ақ ол қатысушыларға 2–3 ойын түрін тәжірибе жүзінде көрсетіп, олардың құрылымы мен тиімді қолдану тәсілдерін түсіндірді. Бұл тәжірибелік бөлім қатысушылар тарапынан ерекше қызығушылық тудырды.

Qyzpu студенттері Қазақстанның киелі жерлеріне саяхат жасады

Шараның басты мақсаты – студенттер арасында өзара сенім мен түсіністікке негізделген қарым-қатынас орнату, эмоционалды тепе-теңдікті сақтау және менталды тұрақтылықты дамыту болды.

Тренинг барысында қатысушылар түрлі психологиялық ойындар мен жаттығулар арқылы тиімді коммуникация құру, өз сезімдерін ашық білдіру және тыңдай білу мәдениетін үйренді. Сонымен қатар, мамандар студенттердің өзін-өзі тану және эмоцияларын басқару қабілеттерін жетілдіруге бағытталған практикалық тапсырмалар ұсынды.

Психологтардың пікірінше, мұндай тренингтер жастардың ішкі үйлесімін сақтап, әлеуметтік ортада сенімді әрекет етуіне сеп болады.

Аталған бастама БҰҰ-ның Тұрақты даму мақсаттарының бірі – ТДМ 3 «Денсаулық және амандық» бағыты аясында жүзеге асып келеді.

QyzPU студенттерінің психологиялық саулығын нығайтуға арналған мұндай кездесулер алдағы уақытта да жалғасын табады.